Atuartut ingerlatsisut amerlanersaat Qaasuitsup Kommunianinngaanneerput
Ataani takuneqarsinnaavoq atuartut efterskolernernik ingerlatsisut ukiuni atuarfiusuni kingullerni tallimani amerlassusaat. 2015-it naanerani atuartut efterskolernernik ingerlatsisut 356-iupput.
Titartagaq 2. Atuartut efterskolernernik ingerlatsisut, efterskolinut aammalu ukiumut atuarfiusumut agguaallugit
Najoqqutaq: Naatsorsueqqissaartarfik - Kisitsisaataasivimmi kisitsisit takukkit (http://bank.stat.gl/UDNESB )
2015-ip naanerani Efterskole Villads Villadsen 69-inik ingerlatsisunik atuartuuteqarpoq, tamanna ukiumut siulianut sanilliullugu atuartunik qulinik kinguariarneruvoq. Piffissami pineqartumi Maniitsumi Efterskoli annikitsumik siuariaateqarpoq, ukiumilu atuarfiusumi 2015/16-imi ukiup nikinnerani atuarfik 63-inik ingerlatsisunik atuartuuteqarpoq. 2015-ip naanerani Danmarkimi atuartut 224-t efterskolernernik ingerlatsisimapput. Taakku ukiumut siulianut sanilliullugu 22-nik ikinnerupput.
Ataani takuneqarsinnaavoq 2015-ip naanerani atuartut efterskolernernik ingerlatsisut agguaanneri, illoqarfik kingornuik aammalu efterskoli malillugit
Titartagaq 3. 2015-ip naanerani atuartut efterskolernernik ingerlatsisut, illoqarfik kingornuik malillugu
Nalunaarut: Naatsorsueqqissaartarfiup innuttaasunut nalunaarsuiffiani illoqarfik kingornuik atualeqqaarnerni uuttuutaavoq nutaaq. Atuartunut pingasut suminngaanneerfii paasissutissaqanngillat, taakkulu aamma titartakkami ilaatinneqanngillat.
Najoqqutaq: Naatsorsueqqissaartarfik - Kisitsisaataasivimmi kisitsisit takukkit (http://bank.stat.gl/UDNESB )
2015-imi atuartut 151-it Qaasuitsup Kommuniani kingornisuupput, kommunilu taamaalilluni amerlanerpaanik efterskolernernik ingerlatsisunik atuartuuteqarpoq. Taakkulu atuartut marluugaangata ataaseq Kalaallit Nunaanni efterskolinik toqqaasimasarput. Kommuni Kujalleq efterskolernernik ingerlatsisunik 29-nik atuartuuteqarsimavoq. Atuartut 120-t Kommuneqarfik Sermersuuminngaanneersimapput, taakkunannga missiliorlugu 78 pct.-it qallunaat efterskoliini ingerlatsisimallutik. Taamaattumik kommuni 2015-ip naanerani agguaqatigiissillugu annerpaamik Danmarkimi efterskolertunik atuartuuteqarsimavoq. Atuartunit Qeqqata Kommunianinngaanneersunit 53-iusunit missiliorlugu 40 pct.-it kalaallit efterskoliiniipput.